RUPICHOUARDI seu RUPICHOVARTII

RUPICHOUARDI seu RUPICHOVARTII

Gall. ROCHECHOUART, nomen familiae illustris in Gallia; quae ex priscis Lemovicum Vice Comitibus deduci amat, et in plures ramos distincta est. Primus omnium Vicecomitum de Rochechovart, defecit in Anna, quae hereditatem transtulit ad maritum Ioannem de Poutville Dominum de Breulbez, cum nominis onere, unde nova Vicecomitum progenies: Reliqui rami fuêre Dominorum du Bastement, Comitum de S. Oven, Dn. de Bourdet et Chandenier, de Faudoas, de Iars, de la Brosse, de Chastillon le Rey, de Montpipeau, de Bonnivet. Inprimis vero Dominorum de Murtemar, qui ramus nunc quoque floret. Vide supra in voce Mortemar et plura hanc in rem, apud Ph. Iac. Spenerum, Theatrô Nobil. Europ. Part. 3. p. 8. et in Indice; ubi stirpis huius historiam exponit.